Anei jing sa hlăm 30 anôk mdrao kơ kahan êka, kahan ruă duam kjham hlăm kluôm lăn čar. 55 thŭn ngă bruă, anôk bruă drông jum, mdrao mgŭn, rông ba êbeh 2 êbâo čô kahan êka, khua ruă kjham.

Ară anei, anôk bruă jing sang dôk mbĭt mơ̆ng 68 čô kahan êka, kahan ruă duam, 23 čô ngă bruă krŭ kdơ̆ng leh anăn anak aneh mơ̆ng phung ngă bruă krŭ kdơ̆ng djŏ êa drao ruă, 56 čô mâo klei hdĭp dleh dlan. Blŭ hrăm tinei, Khua knŭk kna Phạm Minh Chính mgei ai tiê mâo klei juh dŭm klei kpĕ êka, luč liê mơ̆ng phung amĭ Việt Nam jhŏng ktang leh anăn phung lĭng kahan ruă duam dôk tŭ. Khua knŭk kna hmăng hmưi phung amĭ, phung kahan êka mâo nanao klei suaih pral, bi mdrơ̆ng hŏng klei ruă, jing klei bi hmô kơ ênuk êdei.