Lŏ dơ̆ng dŭm mta bruă hlăm hdră nao hgŭm hlăm klei kƀĭn trông gưl dlông ASEAN – Êpul gơ̆ng bi mguôp krĭng Kplang (GCC) leh anăn nao čuă ala mtao Saudi Arabia, Khua knŭk kna Phạm Minh Chính nao čuă leh anôk bruă GCC, bi tuôm hŏng khua kiă kriê GCC leh anăn ktuê dlăng knăm bi klă hdră bi hdơr kơ klei bi mguôp plah wah phŭn bruă hŏng tač êngao Việt Nam leh anăn êpul khua kiă kriê GCC. Khua knŭk kna Phạm Minh Chính yap yuôm bhăn bruă klam mơ̆ng GCC leh anăn mñă klă Việt Nam dlăng yuôm bhăn bruă mtrŭt mđĭ hĭn klei bi mguôp hŏng GCC leh anăn dŭm ala čar hgŭm.

Khua knŭk kna mñă klă, Việt Nam mprăp jing kdrông mkŏ, mtrŭt mđĭ klei bi mguôp ASEAN – GCC, mñă kơ Phŭn bruă hŏng tač êngao Việt Nam leh anăn êpul Khua kiă kriê GCC hnưm bi klă dŭm hdră êlan bi mguôp klă klơ̆ng čiăng hluê ngă tŭ dưn hră bi mguôp mrâo bi klă. Bi kơ kdrêč pô, yap yuôm bhăn bruă klam leh anăn kơhưm mơ̆ng Việt Nam ăt msĕ hŏng dŭm boh tŭ dưn Việt Nam mâo leh, khua kiă kriê GCC mñă klă, êpul khua kiă kriê GCC srăng đru kơ Việt Nam mtrŭt mđĭ klei bi mguôp hŏng dŭm ala čar hgŭm hlăm dŭm mta bruă 2 tĭng mâo klei găl.