Hŏng ai tiê klei khăp prŏng, mâo klei bi đru, khua knŭk kna mơĭt leh truh hŏng phung aê mdrao, mnuih ngă bruă hlăm anôk bruă ksiêm hriăm kơ êrah, anôk mbŏ êrah gưl dlông, lehanăn phung amĭ ama hđeh, mbĭt hŏng jih jang phung hđeh mâo dŭm klei čua êmuh, mđĭ ai lehanăn hơêč hmưi klei jăk siam ƀri wưng knăm mơak mlan pŭr thŭn 2023.

Hơêč hmưi kơ phung hđeh mâo nanao klei suaih pral, klei jăk yâo, čang hmăng kơ phung aê mdrao, dlăng kriê mnuih ruă jing hđeh điêt msĕ si anak čô pô hlăm sang. Hlăm wưng tinăp, Khua knŭk kna čang hmăng kơ phung hđeh mâo nanao klei đăo knang mdrao mgŭn klei ruă hgao jih klei dleh dlan wir kơ klei hdĭp êđăp ênang jăk siam. Phung nai aê êa drao, găp djuê lehanăn jih janhg yang ƀuôn dôk ti djiêo, hŏng klei khăp, đrŭ mgang phung hđeh. Khua knŭk kna čang hmăng kơ phung hđeh lehanăn găp djuê digơ̆ gĭr ktĭr mdrao mgŭn bi jăk./.