Gưl nao mă bruă mơ̆ng Khua knŭk kna Phạm Minh Chính nao hlăm Klei bi kƀĭn  BRICS pŏk mlar jing knhuang pŏk ngă yuôm bhăn bruă hŏng tač êngao sa anăn mơ̆ng Việt Nam êngiê, lu tĭng, lu mta klei bi hgŭm hŏng tač êngao.

Klei Khua knŭk kna Việt Nam hgŭm hlăm klei bi kƀĭn anei bi mklă ai tiê mprăp, jăk siam, đua klam mơ̆ng Việt Nam hlăm klei msir mgaih bruă mbĭt mơ̆ng anak mnuih. Mơ̆ng anăn, bi mklă kơ klei ƀuăn rơ̆ng leh anăn bruă klam Việt Nam hrăm mbĭt hŏng dŭm ala čar hlăm êpul êya dlông rŏng lăn, mđĭ klei mĭn lu tĭng, bi hgŭm lu ala čar leh anăn mđĭ ai tiê mpŭ kơ hdră bhiăn, đru mđĭ klei êđăp ênang, klei bi hgŭm leh anăn mđĭ kyar dlông rŏng lăn.