Khua knŭk kna Phạm Minh Chính mñă klă hnơ̆ng yuôm bhăn kơ bruă čŏng ngă, mâo klei ktang,  mkŏ mjing hdră bruă phŭn hŏng grăp ala čar, grăp êpul bruă dlông rŏng lăn, hlăm anăn mâo Việt Nam leh anăn ASEAN. Hlue si Khua knŭk kna Phạm Minh Chính, bruă anei mâo bi êdah hlăm klei bi kna bruă bi hgŭm hŏng tač êngao mơ̆ng tur knơ̆ng hdră bhiăn kñăm mjing wăl găl ênưih kơ klei đĭ kyar kơ bruă duh mkra; lĭng kahan, klei êđăp ênang dưi mđĭ bi djŏ guôp hŏng boh sĭt; rơ̆ng klei êđăp ênang bruă duh mkra ala ƀuôn čiăng amâo brei hlei pô lui ti tluôn, amâo săn klei mtăp mđơr ala ƀuôn čiăng mđĭ kyar bruă duh mkra; răng kriê, mđĭ lar dhar kreh, knhuah jăk siam.

Khua knŭk kna Phạm Minh Chính mñă, ASEAN brei bi êdah bruă lam phŭn hlăm êpul, kơ bruă djŏ tuôm kơ klei amâo thâo bi djŏ, rŭng răng, kơ bruă dlông rŏng lăn ară anei. Êlâo hĭn brei grăp ala čar mâo sa hdră êlan, bruă ngă leh anăn ba klei tŭ dưn kơ klei bi hgŭm, mđĭ kyar ară anei; tal dua ASEAN brei  bi mguôp klei tŭ dưn mơ̆ng ala čar hlăm ASEAN čiăng mjing boh kdrŭt kơ krĭng wăl mkăn, kơ dŭm ala čar dlông rŏng lăn.