Thŭn 2022 bruă hŏng tač êngao jing sa klei êdah kdlưn tŭ jing. Bruă hŏng tač êngao dưi mđĭ kluôm hŏng jih jang dŭm ala čar prŏng leh anăn lu dŭm ala čar hgŭm pơhŭn, bi êdah hlăm giăm 70 bruă hŏng tač êngao gưl dlông mơ̆ng Khua gĭt gai Đảng, Knŭk kna, hlăm anăn mâo 14 gưl nao čhưn truh 17 ala čar, nao hlăm 5 klei bi kƀĭn lu ala čar lu tĭng, dŭm êtuh klei bi tuôm dua nah hŏng khua gĭt gai, khua ala čar dlông rŏng lăn, drông 19 êpul khua gĭt gai gưl dlông dŭm ala čar hriê ti Việt Nam.

Khua knŭk kna Phạm Minh Chính čih yap, bi mni kơ klei gĭr ktưn, klei gĭr leh anăn boh tŭ yuôm bhăn mơ̆ng bruă bi hgŭm hŏng tač êngao, đru mguôp yuôm bhăn hlăm boh tŭ kluôm ala thŭn 2022, bi êdah klei tŭ dưn hlăm bruă pŏk ngă bruă hŏng tač êngao “klei khăp, kpă ênô, đăo knang, mtăp mđơr, bi mpŭ, tŭ dưn, hrăm mbĭt đĭ kyar”.