Tlam 19/12, Phŭn bruă ngăn prăk mkŏ mjing Klei bi kƀĭn ksiêm wĭt bruă ngăn prăk - prăk knŭk kna thŭn 2022, pŏk ngă bruă knuă thŭn 2023. Khua knŭk kna gĭt gai klei bi kƀĭn. Klei bi kƀĭn dưi mkŏ mjing sa anôk leh anăn online plah wah Phŭn bruă ngăn prăk hŏng 62 anôk mkŏ dŭm čar, ƀuôn prŏng hlăm Gưl dlông.  Khua knŭk kna lač kơ klei tŭ jing leh anăn klei êdu kƀah leh anăn klei hriăm mơ̆ng bruă ngăn prăk.

Khua knŭk kna mñă klă, thŭn 2023 jing thŭn hlue ngă Hdră mđĭ kyar bruă duh mkra- ala ƀuôn, ngăn prăk 5 thŭn 2021-2025 leh anăn thŭn tal 3 hlue ngă Hdră mđĭ kyar bruă duh mkra- ala ƀuôn 10 thŭn 2021-2030 hlue si hdră mtrŭn mơ̆ng Đảng, bruă kƀĭn ala, bruă klam kčah hŏng bruă ngăn prăk jih ktrŏ snăk. Khua knŭk kna tŭ ư hŏng hdră kñăm, bruă klam, hdră msir mkŏ mjing hlue ngă hdră kčah ngăn prăk knŭk kna thŭn 2023; kƀĭn bi trông, bi hgŭm tliêr kjăp hlăm klei gĭt gai, mkŏ mjing hlue ngă bi jăk mơ̆ng dŭm hrue akŏ thŭn 2023, gĭr bi leh jăk hĭn dŭm hdră kñăm mđĭ kyar bruă duh mkra ala ƀuôn leh anăn mĭn tĭng prăk knŭk kna thŭn 2023, boh nik ktuê dlăng klei ƀơ̆ng ngăn, hơĭt bruă duh mkra kluôm, mđĭ kyar prăk knŭk kna êđăp ênang, hơĭt kjăp./.