Bri wưng hruê kăm gưl dlông gưl 78 Êpul gơ̆ng prŏng mơ̆ng Êpul hgŭm lu ala čar leh anăn bruă dua tĭng ti Mi, aguah mbruê (hluê mmông alŭ wăl), ti ƀuôn prŏng San Francisco, bang California, Khua knŭk kna Phạm Minh Chính nao hlăm “Klei kƀĭn bruă bruă mnia mblei Việt Nam – Mi bi mguôp hlăm bruă mrâo mrang, mlih mrâo hŏng klei mbruă” mơ̆ng phŭng bruă hdră êlan leh anăn duh bi liê bi mguôp hŏng anôk bruă bi ala Việt Nam ti San Francisco leh anăn êpul gơ̆ng mnia mblei Mi – ASEAN mkŏ mjing. Hlăm klei kƀĭn, phung bi ala dŭm knơ̆ng bruă 2 lăn čar mâo dŭm klei bi trông pŏk, kpă leh anăn klă klơ̆ng kơ klei găl bi mguôp duh bi liê, hlăm anăn kñăm kơ bruă mrâo mrang, mlih mrâo hŏng klei mbruă, hmăng hmưi nao hgŭm hlăm klei mlih mrô mơ̆ng Việt Nam.

Hŏng klei mĭn “phung suaih đru kơ phung awăt, phung mda đru kơ phung mduôn, phung mdrŏng đru kơ phung ƀun” leh anăn klei mĭn “lui hĕ klei leh êgao, mđing truh kơ mgi dih, mgaih msir klei kpĕ êka mơ̆ng klei bi blah”, Khua knŭk kna hmăng hmưi mnuih ƀuôn sang, knơ̆ng bruă mơ̆ng Mi hruê ti Việt Nam čiăng ktuê dlăng klei mlih mơ̆ng Việt Nam, bi klă knŭk kna Việt Nam mprăp pŏk ƀăng tŭ drông dŭm knơ̆ng bruă hriê duh bi liê djŏ hŏng hdră bhiăn, hơĭt kjăp, tŭ dưn kyua klei mdrŏng sah mơ̆ng grăp lăn čar, trei mđao, yâo mơak mơ̆ng mnuih ƀuôn sang.