Hluê si klei hưn, thŭn 2024, bruă hŏng tač êngao mâo lu boh tŭ dưn yuôm bhăn, đru mguôp răng mgang klei êđăp ênang, hơĭt kjăp leh anăn bi mguôp kơ klei đĭ kyar, lŏ dơ̆ng bi kjăp bruă hŏng tač êngao, ba klei mjĕ giăm hŏng phung ƀĭng hgŭm nao êlam hĭn, klă klơ̆ng leh anăn tŭ dưn. Khua knŭk kna Phạm Minh Chính čih yap, bi mni leh anăn hơêč hmưi Phŭn bruă hŏng tač êngao leh anăn dŭm anôk bruă bi ala Việt Nam ti ala tač êngao bi mguôp kjăp hŏng dŭm phŭn, dhar bruă, alŭ wăl, knơ̆ng bruă hluê ngă jăk, tŭ dưn dŭm bruă klam hŏng tač êngao, đru mguôp hlăm boh tŭ dưn mbĭt mơ̆ng lăn čar thŭn 2024.

Khua knŭk kna mñă kơ dhar bruă hŏng tač êngao lŏ dơ̆ng mđĭ klei bi mguôp, hluê ngă hrăm mbĭt, mbruă, tŭ dưn dŭm bruă hŏng tač êngao Đảng, knŭk kna leh anăn mnuih ƀuôn sang, bruă hŏng tač êngao mơ̆ng dŭm gưl bruă, mkŏ mjing bruă hŏng tač êngao mrâo mrang leh anăn thơ̆ng kơ bruă, mkŏ mjing Đảng ênuah ênô, kjăp ktang, mđĭ ai dưi gĭt gai leh anăn ai kdơ̆ng mblah mơ̆ng dŭm êpul bruă đảng, đảng viên hlăm bruă hŏng tač êngao.