Thŭn 2022, Knơ̆ng prăk knŭk kna dưi mâo lu boh tŭ dưn yuôm bhăn, hlăm anăn kñăm kơ bruă ksiêm dlăng, bi kluôm hdră ngăn prăk leh anăn knơ̆ng prăk, rơ̆ng djŏ hdră kčah leh anăn hnơ̆ng tŭ jăk, mkra mlih hdră ngăn prăk čŏng pô, mbruă, djŏ hruê mmông leh anăn bi mguôp bi bi kna hŏng hdră ngăn prăk kơ djăp mta bruă, dŭm hdră êlan prŏng mkăn, đru ksiêm dlăng klei prăk luč ênoh leh anăn rơ̆ng klei hơĭt bruă duh mkra hnơ̆ng prŏng, mtrŭt mđĭ klei đĭ kyar. Knơ̆ng prăk lŏ dơ̆ng nao êlâo hlăm bruă mlih mrô, đru yuôm bhăn hlăm bruă tla prăk amâo guôn yua prăk mơar, lŏ dơ̆ng đĭ kyar ktang, djăp ênŭm hnơ̆ng čoh čuăn ƀrư̆ hruê ƀrư̆ lu mơ̆ng bruă duh mkra.

Bi ala kơ knŭk kna, Khua knŭk kna čih yap leh anăn pah mni dŭm klei gĭt leh anăn bih tŭ dưn mâo mơ̆ng bruă Knơ̆ng prăk hlăm thŭn 2022. Khua knŭk kna lač klă, thŭn 2023 jing thŭn mâo bih tŭ dưn yuôm bhăn, mñă kơ dŭm knơ̆ng Prăk lŏ dơ̆ng bi lar dŭm boh tŭ dưn dưi mâo, bi lar ai tiê čŏng pô, mlih mrâo, mbruă čiăng mgaih msir dŭm klei êdu kbah, mtrŭt mđĭ ktang klei mlih mrô nao mbĭt hŏng klei mđĭ hnơ̆ng tŭ jăk, rơ̆ng klei êđăp ênang.