Tlam 19/9, hlue si mmông alŭ wăl, ti Anôk bruă klei êđăp ênang Mi, Khua knŭk kna Phạm Minh Chính leh anăn êpul bi ala gưl dlông Việt Nam nao hlăm Knăm bi hdơr 78 thŭn hruê mkŏ mjing ala čar yang ƀuôn ngă phŭn Việt Nam leh anăn kkuh drông klei bi hgŭm kluôm Việt Nam- Mi kyua Anôk bruă bi ala Việt Nam ti Washington mkŏ mjing.

Blŭ hrăm hlăm klei bi kƀĭn, phung bi ala Mi kkuh drông Khua knŭk kna Phạm Minh Chính leh anăn êpul bi ala gưl dlông Việt Nam ti Mi leh anăn mâo dŭm bruă ngă tŭ dưn, klă sĭt. Mi bi mklă klei tŭ ư mơ̆ng dua đảng Dân chủ  leh anăn Cộng hòa hlăm dŭm hdră bruă knŭk kna leh anăn bruă kƀĭn ala dlăng myuôm klei bi hgŭm hŏng Việt Nam, nao ai Việt Nam “ktang, êngiê, mdrŏng sah”. Khua knŭk kna Phạm Minh Chính kah mbha hlăm gưl nao čhưn mâo lu klei mă bruă, bi trông hŏng dŭm alŭ wăl leh anăn anôk bruă duh mkra Mi, boh nik djŏ tuôm kơ kdrăp mrô, bán dẫn. Khua knŭk kna bi êdah klei ư ai ti anăp klei mĭn dŭm anôk bruă duh mkra prŏng mơ̆ng Mi lŏ dơ̆ng pŏk mlar klei bi liê, bi hgŭm hŏng Việt Nam leh anăn bi tŭ ư dua tĭng brei mđĭ pŏk ngă čiăng hnưm mjing klei găl jing boh sĭt./.