Hlăm hdră nao čuă ala čar Singapore, Aguah mbruê. 10/2, Khua knŭk kna Phạm Minh Chính nao leh hlăm klei kƀĭn knŏng bruă Việt Nam – Singapore hŏng klei nao hgŭm mơ̆ng khua gĭt gai dŭm Phŭn bruă, anôk bruă hlăm Knŭk kna, dŭm êpul êya leh anăn lu knơ̆ng bruă 2 ala čar. Hlăm klei kƀĭn, phung bi ala mñă ktang klei mjĕ giăm bi mguôp hdră êlan Việt Nam-Singapore dưi đĭ kyar mbruă, ktang hlăm dŭm mta bruă. Thŭn 2023 anei, 2 ala čar bi hdơr 50 thŭn mkŏ mjing klei mjĕ giăm leh anăn 10 thŭn mkŏ mjing klei bi mguôp hdră êlan.

Blŭ hlăm klei kƀĭn, Khua knŭk kna Phạm Minh Chính brei thâo, thŭn Việt Nam leh anăn Singapore Thŭn 2023 anei, 2 ala čar bi hdơr 50 thŭn mkŏ mjing klei mjĕ giăm leh anăn 10 thŭn mkŏ mjing klei bi mguôp hdră êlan, 100 thŭn hruê k’kiêng kơ ayang Khua knŭk kna Lý Quang Diệu. Găn 50 thŭn mjĕ giăm, bi mguôp, 2 ala čar thâo săng klă hĭn, đăo knang hĭn hdơ̆ng pô, kluôm ênŭm, klă klơ̆ng leh anăn tŭ dưn hĭn, jing tur knơ̆ng yuôm bhăn čiăng mtrŭt mđĭ klei bi mguôp, mkŏ mjing gru kruăk knăl hlăm klei mjĕ giăm 2 ala čar, đru mguôp hlăm klei êđăp ênang, hơĭt kjăp, bi mguôp, mđĭ kyar hlăm alŭ wăl leh anăn tar rŏng lăn.