Anôk tal êlâo mơ̆ng Khua knŭk kna leh anăn êpul ngă bruă ksiêm dlăng tal êlâo jing kdrêč êlan dơ̆ng pral nah ngŏ dôk hlăm hdră kban Mỹ Thuận 2. Kban Mỹ Thuận 2 mâo boh taih hlăm brô 6,61km găn 2 alŭ wăl čar Tiền Giang leh anăn Vĩnh Long mkŏ 2 êlan dơ̆ng pral Trung Lương – Mỹ Thuận leh anăn Mỹ Thuận – Cần Thơ dôk hlăm hdră mkăp êlan dơ̆ng pral nah Ngŏ wưng thŭn 2017 – 2020.

Truh kơ ară anei, bruă ruh mgaih anôk ala kban Mỹ Thuận 2 dưi ngă leh, truh kơ ară anei mâo leh 70% ênoh dŭm klei kuôl kă, djŏ hŏng hdră kčah mâo leh. Kdrêč êlan leh anăn kban dưi rŭ mjing, kdrêč kban phŭn dưi mdơ̆ng leh kmeh, dhiang klei ti tur tal êlâo, bi leh hdră mkăp hlăm thŭn 2023. Khua knŭk kna mtă kơ anôk bruă rŭ mjing dưn yua kdrăp mrâo hŏng jih jang dŭm hdră mnêč čiăng bi hmar klei ngă bruă, ƀiădah ăt rơ̆ng hnơ̆ng tŭ jăk, klei siam, mbĭt anăn gang mkhư̆ klei ƀơ̆ng ngăn, klei amâo mâo jăk, luč liê mang.