Ti sang ayang Khua knŭk kna, sang Đại tướng Võ Nguyên Giáp ti ƀuôn prŏng phŭn Hà Nội. Ti sang ayang Khua knŭk kna Phạm Văn Đồng, êlan Đặng Thái Mai, Hà Nội, Khua knŭk kna Phạm Minh Chính myơr brui mngưi, kwang mnga bi hdơr kơ ayang Khua knŭk kna Phạm Văn Đồng, jing khua gĭt gai thâo mbruă, mâo klei đăo knang, pô dhar kreh prŏng hlăm ala čar, pô ngă bruă hŏng tač êngao kdlưn hĭn mơ̆ng Đảng, knŭk kna leh anăn bruă cách mạng Việt Nam, jing pô hriăm kdlưn hĭn mơ̆ng khua gĭt gai Hồ Chí Minh.

Khua knŭk kna Phạm Minh Chính ăt nao myơr brui mngưi bi hdơr kơ ayang Đại tướng Võ Nguyên Giáp leh anăn hơêč hmưi kơ gŏ sang ti sang mrô 30, êlan Hoàng Diệu, ƀuôn prŏng Hà Nội.