Klei bi kƀĭn bi êdah bruă čuăl mkă lehanăn iêo jak klei duh bi liê čar Long An jing leh bruă yuôm bhăn kñăm mđĭ kyar čar, tui duah klei duh bi liê, mtrŭt mđĭ bruă duh mkra ala ƀuôn kơ čar Long An hlăm wưng tinăp.

Ti anôk bi kƀĭn khua phŭn bruă čuăl mkă duh bi liê Nguyễn Chí Dũng jao leh klei čuăl mkă kơ čar wưng thŭn 2021 - 2030, tă hdră truh kơ thŭn 2050 kơ phung khua kiă kriê čar Long An. Blŭ hrăm ti anôk bi kƀĭn, Khua knŭk kna Phạm Minh Chính lač, Long An mâo lu klei găl pioh kơ klei mđĭ kyar hŏng klei pral lehanăn kjăp, jing anôk jăk kơ phung duh bi liê hlăm ala čar lehanăn mơ̆ng ala tač êngao hriê. Čar Long An ktưn truh thŭn 2030, jing anôk đĭ kyar hlăm krĭng nah dhŭng. Ăt hrue mbrue, Khua knŭk kna mbĭt hŏng êpul ngă bruă nao ksiêm bruă dôk mkra êlan dơ̆ng dar mrô 3 ƀuôn prŏng Hồ Chí Minh găn čar Long An.  Bruă mkra êlan dơ̆ng anei kñăm mjing alŭ wăl duh mkra kjăp nah dhŭng, mkŏ mjing alŭ wăl ƀuôn prŏng ênuk mrâo, mâo hdră êlan mđĭ kyar kjăp kơ kluôm ala./.