Khua knŭk kna lač, Đảng, lăn čar, knŭk kna, mâo nanao klei mđing mtrŭn lu hdră ngă bruă pioh rŭ mdơ̆ng mđĭ kyar hŏng lu hdră kñăm mkŏ mjing mđĭ bi lar, lehanăn kriê pioh knhuah gru dhar kreh djuê ana, dưn yua jih klei găl hlăm bruă dhar kreh mdê mdê.

Bi ala kơ Đảng lehanăn knŭk kna, Khua knŭk kna mpŭ mni kơ phung mâo leh ai tiê thâo duh myơr kơ bruă dhar kreh kluôm ala, hơêč hmưi kơ 78 čô jing phung mâo klei kdlưn hĭn hlăm hrue anei, lehanăn čih pioh jih ai tiê klei duh myơr digơ̆ kơ dhar ktreh hlăm wưng leh êgao. Khua knŭk kna, čang hmăng lehanăn đăo knang kơ phung bi ala dhar kreh jing phung thâo bi hmô lŏ mđĭ hĭn bruă klam, lŏ dơ̆ng tui duah, mđĭ bi lar, čiăng mơ̆ng leh klei bi kƀĭn anei, srăng lŏ mâo lu hĭn mnuih thâo bi hmô jăk kơ bruă kriê pioh knhuah gru dhar kreh pô./.