Aguah mbrue (16/9), Khua knŭk kna Phạm Minh Chính djă akŏ êpul bi ala knŭk kna Việt Nam nao ti anôk rang mdah mnơ̆ng dhơ̆ng čhĭ mnia China - ASEAN (CAEXPO) lehanăn klei bi kƀĭn gưl dlông duh mkra mnia mblei China-ASEAN (CABIS) tal 20 ti ƀuôn prŏng Nam Ninh, čar Quảng Tây, ala čar China mơ̆ng hrue 16 – 17/9/2023 tui si klei jak iêo mơ̆ng knŭk kna China. Anei jing bruă dôk hlăm hdră bi hdơr 20 thŭn klei mjĕ mgiăm hgŭm mbĭt China - ASEAN, bi hdơr 20 thŭn CAEXPO lehanăn CABIS.

Klei bi kƀĭn mâo 04 mta bruă phŭn lehanăn sa klei bi kƀĭn thiăm tinăn. Msĕ hŏng dŭm klei rang mdah mnơ̆ng dhơ̆ng čhĭ mnia êlâo dih mơh, thŭn anei êpul phung duh mkra Việt Nam nao hlăm klei rang mdah mnơ̆ng dhơ̆ng čhĭ mnia anei mâo truh 250 knưng mnơ̆ng, kua hlăm ênhă truh 5.000 m².