Hluê si hdră kčah, Khua knŭk kna Phạm Minh Chính srăng nao hgŭm leh anăn blŭ hrăm hlăm 3 klei kƀĭn lu lĭng mâo Klei kƀĭn trông gưl dlông GMS gưl tal 8, klei kƀĭn trông gưl dlông ACMECS gưl tal 10, klei kƀĭn trông gưl dlông CLMV gưl tal 11, mkŏ mjing klei bi tuôm dua nah hŏng đa đa ƀĭng hgŭm yuôm bhăn, nao hlăm dŭm mta bruă hưn mdah bruă hiu čhưn ênguê Việt Nam, blŭ hrăm hŏng knơ̆ng bruă, nao čuă đa đa anôk bruă duh mkra, logistic ti Côn Minh leh anăn Trùng Khánh, China.

Hlăm dŭm hruê mă bruă, Khua knŭk kna mĭn tĭng bi tuôm hŏng lu ƀĭng hgŭm yuôm bhăn, mâo klei găl bi mguôp hŏng Việt Nam hlăm dŭm gưl. Hlăm anăn mâo phung ƀĭng hgŭm đĭ kyar, dŭm hdră êlan ngăn prăk lu tĭng, dŭm anôk bruă gưl dlông, phŭn, dhar bruă, alŭ wăl, knơ̆ng bruă China.