Blŭ ti knăm anei, Khua knŭk kna Phạm Minh Chính čiăng kơ ASEAN lehanăn India lŏ dơ̆ng ksŭl mbŭ bi kjăp hdră dhar kreh, ala ƀuôn, anak mnuih, mđĭ kyar klei bi mjĕ dua tĭng hơĭt kjăp lehanăn kluôm dhuôm hĭn. Khua knŭk kna mñă, hluê tur knơ̆ng kjăp anei, ASEAN čiăng mbĭt hŏng India, ala čar riêng gah jĕ giăm, ƀĭng găp sĭt suôr lehanăn ƀĭng hgŭm đăo knang kluôm srăng đru mguôp lu hĭn kơ klei êđăp ênang, hơĭt kjăp, bi hgŭm đĭ kyar mơ̆ng grăp ala čar, hlăm krĭng lehanăn tar rŏng lăn.

Mñă klă klei Bi mjĕ ƀĭng hgŭm phŭn kluôm dhuôm ASEAN – India, Khua knŭk kna mtă kơ dua tĭng mđĭ klei bi blŭ hrăm, bi hgŭm lehanăn mkŏ mkra ai đăo knang, msir mghaih klei bi kuan hŏng hdră êdăp ênang, mdrơ̆ng hŏng djăp klei lông dlăng, mpŭ kơ hdră bhiăn tar rŏng lăn. Khua knŭk kna Phạm Minh Chính sa ai hŏng klei mĭn mrâo mơ̆ng China msĕ si Klei mĭn Êpul hgŭm bruă pui kmlă êran hŏng pil yang ƀuôn, Êpul nhiên liệu sinh học, Êpul hgŭm anôk bruă nah gŭ mdrơ̆ng hŏng klei yan adiê ngă mbĭt anăn akâo kơ India đru kơ Việt Nam hlăm hdră mđĭ kyar bruă mkra êa drao gŭn./.