Khua knŭk kna Phạm Minh Chính nao ti Klei bi kƀĭn ksiêm wĭt Anôk bruă Lŏ hma
Thứ bảy, 00:00, 14/01/2023
VOV TAYNGUYEN
VOV TAYNGUYEN
VOV4.Êđê- Aguah 13/1, Khua knŭk kna Phạm Minh Chính nao lehanăn blŭ hrăm gĭt gai Klei kƀĭn ksiêm wĭt Anôk bruă Lŏ hma, mâo Phŭn bruă Lŏ hma mđĭ kyar krĭng ƀuôn sang mkŏ mjing.
Thŭn êgao, anôk bruă lŏ hma mâo leh lu boh tŭ yuôm. Bruă lŏ hma, dliê kmrơ̆ng, mnơ̆ng hlăm êa krơ̆ng kjăp hnơ̆ng đĭ kyar. Hlăm anăn, bruă lŏ hma đĭ 3,36%, ba čhĭ kơ ala tač êngao mâo giăm 7 êklăk ton braih hŏng lu mta mnơ̆ng lŏ hma mkăn mâo ênoh prăk bi mnia mblei êbeh 53 êklai USD. Blŭ hrăm ti anôk bi kƀĭn, Khua knŭk kna mtă, thŭn 2023, Phŭn bruă Lŏ hma lehanăn kluôm anôk bruă brei čih mkra hdră kčah, hdră msir ngă bruă kñăm ba wĭt klei tŭ.
Hlăm anăn, brei mđĭ bruă ba yua kdrăp mrâo hlăm bruă pla mjing, mđĭ kyar bruă lŏ hma doh, mđĭ kyar bruă tuh tia mkra mjing ngă lŏ hma, bruă mkra mjing, mđĭ kyar dŭm anôk pla mjing, anôk mkra mjing, dŭm êpul hgŭm bruă lŏ hma hŏng wăl anôk blei mnia hlăm lehanăn êngao ala čar./.
Viết bình luận