(Anôk bruă tuh tia mkra mjing Halal jing kluôm anôk bruă tuh tia mkra mjing mkăp kơ mnuih blei yua Islam msĕ si mnơ̆ng ƀơ̆ng huăm êa mnăm, êa drao gŭn, mnơ̆ng bi msiam ƀô̆ mta, kdrăp čŭt hơô…). Anei jing hdră mâo hnơ̆ng mkŏ mjing hlăm kluôm ala, prŏng êdi kơ Halal hŏng klei hgŭm mơ̆ng phung khua kiă kriê dŭm Phŭn, dhar bruă, čar, ƀuôn prŏng mbĭt hŏng 600 čô bi ala nao klă anăp lehanăn hluê êlan online.

Blŭ hrăm ti knăm anei, Khua knŭk kna Phạm Minh Chính hưn mthâo leh klei găl mâo mơ̆ng Việt Nam hlăm hdră mđĭ kyar Halal ti Việt Nam. Khua knŭk kna mñă, bi hgŭm hlăm Halal jing sa hlăm dŭm mta phŭn hlăm hdră bi hgŭm bruă duh mkra tar rŏng lăn. Khua knŭk kna iêu mthưr êpul êya anôk bruă duh mkra, boh nik anôk bruă ala tač êngao lŏ dơ̆ng duh hlăm Việt Nam hluê ai tiê “Tlâo mbĭt”, mđing hmư̆, thâo klă dŭm klei dleh dlan lông dlăng, kah mbha hnơ̆ng trah dlăng lehanăn ngă bruă mđĭ kyar Halal, wăl anôk Halal, ngă mbĭt, dưn mbĭt, tŭ dưn mbĭt lehanăn hrăm mbĭt mđĭ kyar”./.