Bi ala kơ knŭk kna, Khua knŭk kna Phạm Minh Chính bi mni kơ bruă Đảng, bruă sang čư̆ êa lehanăn dŭm boh tŭ dưn mơ̆ng bruă Đảng, bruă sang čư̆ êa čar Điện Biên mâo leh hlăm wưng êgao, đru mguôp leh hlăm bruă kluôm hŏng lăn čar.

Hlăm wưng kơ anăp khua knŭk kna mtă, čar hlue ngă hdră mtrŭn klei bi kƀĭn prŏng bruă Đảng 13 kluôm ala, lehanăn bruă Đảng čar tal 14. Mđĭ kyar hŏng klei pral lehanăn kjăp, mâo klei bi mlih djŏ hŏng klei jing ară anei, mđing kơ bruă lŏ hma, dliê kmrơ̆ng, bruă hiu čhưn ênguê, phŭn pui, lehanăn mnơ̆ng hlăm gŭlăn, klei bi mnia mblei ti ƀăng jang knông lăn. Kriê pioh knhuah gru dhar kreh djuê ana anak mnuih Điện Biên. Răng mgang kjăp klei êđăp ênang lăn čar.