Hlăm mmông mă bruă, Khua knŭk kna mñă klă, Việt Nam dlăng kơ Mi jing sa hlăm phung ƀĭng hgŭm yuôm bhăn mrô 1, bi mni kơ Mi sa ai hŏng sa Việt Nam ktang, êngiê leh anăn sah mdrŏng. Việt Nam hmăng hmưi mtrŭt mđĭ klei mjĕ giăm bi mguôp kluôm dhuôm Việt Nam – Mi ƀrư̆ hruê ƀrư̆ klă klơ̆ng, hơĭt kjăp, nao êlam hĭn hŏng klei mpŭ kơ klei êngiê, klei dưi kiă kriê, kluôm ênŭm ala čar leh anăn hdră kiă kriê hdơ̆ng pô.

Khua knŭk kna mñă klă, Việt Nam mprăp blei mnia dŭm mta masin, kdrăp yua, mnơ̆ng yua mơ̆ng Mi kñăm bi hơĭt klei mnia mblei Việt Nam – Mi. Khua knŭk kna đăo knang, USABC leh anăn dŭm knơ̆ng bruă Mi srăng đru mguôp mtrŭt mđĭ klei mjĕ giăm kluôm dhuôm Việt Nam – Mi ƀrư̆ hruê ƀrư̆ klă klơ̆ng, nao êlam hĭn, mâo boh tŭ kơ 2 tĭng, ba wĭt klei đĭ kyar leh anăn bruă mă kơ mnuih ƀuôn sang 2 ala čar, đru rơ̆ng klei êđăp ênang, hơĭt kjăp, bi mguôp leh anăn đĭ kyar hlăm alŭ wăl leh anăn tar rŏng lăn.