Hlăm mmông tŭ drông, Khua knŭk kna mñă klă gưl hriê čuă mơ̆ng Prak Sokhonn mâo boh tŭ dưn yuôm bhăn, đru bi kjăp leh anăn mđĭ hĭn klei mjĕ giăm plah wah 2 Đảng, dua lăn čar. Dua čô khua gĭt gai tŭ ư lač Việt Nam leh anăn Campuchia jing dua ala čar riêng gah, hrăm mbĭt bi kdơ̆ng hŏng phung roh čiăng mtaih êngiê djuê ana, hluh hlir lăn čar, ăt msĕ hŏng bruă mkŏ mjing leh anăn răng mgang lăn čar, klei mjĕ giăm, bi mguôp, bi đru hdơ̆ng pô plah wah 2 Đảng, dua knŭk kna leh anăn mnuih ƀuôn sang dua lăn čar, mta yuôm bhăn mrô 1 hŏng klei êđăp ênang, mđĭ kyar grăp lăn čar.

Dua tĭng ăt mñă klă klei mjĕ giăm dua tĭng dưi đru mguôp yuôm bhăn hlăm bruă bi hơĭt bruă kđi čar, răng mgang klei êđăp ênang, mđĭ kyar bruă duh mkra ala ƀuôn leh anăn mđĭ kơhưm mơ̆ng grăp Đảng, grăp lăn čar, đăo knang kơ klei mjĕ giăm jăk siam, bi hgŭm knhuah gru, bi mguôp kluôm dhuôm, mđĭ kyar kjăp plah wah Việt Nam leh anăn Campuchia ƀrư̆ hruê ƀrư̆ kjăp leh anăn đĭ kyar ktang, kyua boh tŭ kơ mnuih ƀuôn sang dua lăn čar.