Khua knŭk kna Phạm Minh Chính bi mni kơ aduôn Penny Wong gưl tal 2 hruê čuă Việt Nam hŏng bruă klam jing Khua phŭn bruă hŏng tač êngao Australia, bi êdah klei đăo knang, lŏ dơ̆ng dŭm gưl hriê čuă tŭ jing mrâo êgao mơ̆ng khua gĭt gai Australia, gưl hriê čuă anei mơ̆ng ñu srăng rơ̆ng leh anăn mtrŭt mđĭ klei mjĕ giăm ƀĭng hgŭm hdră êlan Việt Nam – Australia dôk đĭ kyar ktang hlăm thŭn 2 lăn čar bi hdơr 50 thŭn klei bi mjĕ (1973-2023).

Khua knŭk kna Phạm Minh Chính mñă klă, 2 ala čar čiăng mđĭ hĭn klei bi mguôp hlăm bruă mtô mjuăt bi hriăm, mă bruă knuă, mjĕ êrô dhar kreh, mtrŭt mjhar dŭm knơ̆ng bruă 2 ala čar pŏk mlar klei duh bi liê kơ dŭm mta bruă 2 tĭng mâo klei găl, mtrŭt anăn mtrŭt mđĭ klei bi mguôp hlăm dŭm mta bruă mrâo msĕ si bi mdrơ̆ng hŏng klei mlih yan adiê, mlih pui kmlă, đĭ kyar mtah, boh duh mkra mrô, mlih mrô…