Hlăm mmông tŭ drông, Khua knŭk kna Phạm Minh Chính mñă klă Việt Nam dlăng yuôm bhăn leh anăn mđĭ hĭn klei bi mguôp kluôm dhuôm hŏng Begium, ăt msĕ hŏng dŭm krĭng leh anăn êpul êya mơ̆ng Belgium, yap yuôm bhăn gưl hruê čuă Việt Nam mơ̆ng Khua phŭn bruă – Khua kiă kriê krĭng Flander mbĭt hŏng êpul 30 knơ̆ng bruă prŏng ăt msĕ hŏng hdră mă bruă hŏng dŭm phŭn, dhar bruă, alŭ wăl ti Việt Nam.

Khua knŭk kna Phạm Minh Chính mñă kơ Khua phŭn bruă, khua kiă kriê krĭng Flanders lŏ dơ̆ng uêñ mĭn mđĭ kyar klei mjĕ giăm hŏng Việt Nam, boh nik kơ klei bi mguôp bruă duh mkra, mnia mblei leh anăn duh bi liê, đru mtrŭt mđĭ leh anăn bi kjăp hĭn klei mjĕ giăm Việt Nam – Belgium. Dua tĭng bi tŭ ư mđĭ hĭn klei bi mguôp bruă lŏ hma kjăp, duh bi liê  bruă mkŏ mkra leh anăn dŭm bĭt êlan dŭ mdiăng êlan êa, ksiêm duah mkŏ mjing hdră bi mguôp mrâo plah wah krĭng Flanders leh anăn dŭm krĭng ti Việt Nam čiăng mđĭ hnơ̆ng tŭ jăk, boh tŭ klei bi mguôp plah wah Việt Nam leh anăn Begium.