Hlăm mmông tŭ drông, bi trông kơ dŭm klei lông dlăng, klei dleh dlan hlăm thŭn 2023 kơ klei toh hroh bruă duh mkra tar rŏng lăn, klei hŭi hyưt toh hroh klei mnia mblei, klei prăk luč ênoh… mâo leh aduôn Antoinette Sayeh bi êdah, Khua knŭk kna Phạm Minh Chính brei thâo, knŭk kna Việt Nam srăng ktang phĭt hluê ngă hrăm mbĭt dŭm hdră êlan kñăm rơ̆ng klei hơĭt bruă duh mkra hnơ̆ng prŏng, ksiêm dlăng klei prăl luč ênoh, mtrŭt mđĭ klei đĭ kyar, rơ̆ng klei bi kna mơ̆ng dŭm anôk bruă tuh tia.

Khua knŭk kna mñă klă: Ktang mâo klei lông dlăng, klei kpĭ ktang gĭr ktưn hgao klei dleh dlan. Ktang dleh dlan ktang bi mguôp, sa ai. Việt Nam mprăp nanao klei bi trông, mđing hmư̆ dŭm klei mtă mơ̆ng dŭm êpul êya tar rŏng lăn msĕ si IMF, knơ̆ng prăk dlông rŏng lăn (WB).