Bi myuôm dŭm mta bruă mơ̆gn êpul grŭp mă, Khua knŭk kna Phạm Minh Chính đăo knang kơ jih bruă anăn srăwng đru mguôp jăk kơ klei mđĭ kyar bruă  Logistics ti Việt Nam, lehanăn klei bi hgŭm plah wah Việt Nam lehanăn Japon. Kơ kdrêč pô, Khua knŭk kna Phạm Minh Chính čang hmăng êpul grŭp Yamato Holdings duh bi liê hlăm bruă kreh knhâo, mlih mrâo hŏng klei knhêč, bi mlih mrô, bi mlih mtah, mjuăt bi hriăm mnuih ngă bruă hlăm bruă dŭ mdiăng, duh bi liê kơ bruă  logistics, ngăn prăk, bruă ênua, bruă kdrăp mrâo, bi hgŭm đru mlih kdrăp mrâo mrang kơ Việt Nam, đru Việt Nam bi hgŭm kjăp hĭn hlăm alŭ wăl lehanăn tar rŏng lăn.

Bi blŭ hrăm hŏng khua knŭk kna Phạm Minh Chính kơ klei găl lehanăn klei dưi mơ̆ng êpul grŭp, Nagao Yutaka brei thâo, êpul grŭp srăng mjuă tbi hriăm mnuih mă bruă, ba yua kdrăp mrâo mrang, bi mlih mrô, kreh knhâo, pioh mđĭ kyar bruă dŭ mdiăng, logistics ti Việt Nam.