Anei jing gưl hiu čhưn dưi mkŏ mjing ka bŏ 2 hruê kăm leh gưl hiu čhưn mơ̆ng Khua gĭt gai Đảng Tô Lâm truh ti Singapore. Klei anei brei ƀuh Klei bi mjĕ dua nah jăk siam plah wah Việt Nam lehanăn Singapore ară anei dôk đĭ kyar jăk siam lehanăn phung khua gưl dlông mơ̆ng dua ala čar ăt mđing lehanăn bi êdah klei gĭr mtrŭt mđĭ klei bi mjĕ anei.

Gưl hiu čhưn jing klei găl čiăng phung khua dua tĭng bi trông kơ dŭm bruă mâo bŏk bâo hlăm gưl hiu čhưn mŏng Khua gĭt gai Đảng truh ti Singapore leh êgao, đru pŏk ngă dŭm bruă mŏng Klei hưn mthâo mkra mđĭ Klei bi mjĕ ƀĭng hgŭm phŭn kluôm dhuôm plah wah Việt Nam lehanăn Singapore. Hlăm gưl nao čhưn mơ̆ng Khua knŭk kna Singapore truh ti Việt Nam tal anei, phung khua gưl dlông mơ̆ng Việt Nam srăng mâo hdră bi tuôm hŏng phung khua kiă kriê mơ̆ng Singapore.