Klei bi kƀĭn mĭn tĭnh mkŏ mjing hlăm hruê 26/3 kơ anăp, ti anôk bruă Knŭk kna. Khua knŭk kna jao kơ Phŭn bruă kriê dlăng bruă knuă mtrŭn Hdră kčah mkŏ mjing Klei bi kƀĭn bi blŭ hrăm mơ̆ng Khua knŭk kna hŏng phung êdam êra thŭn 2023, mprăp klei êmuh rơ̆ng bi jăk leh anăn klă mngač, djŏ hŏng boh sĭt nơ̆ng phung êdam êra čiăng.

Boh phŭn bi blŭ hrăm mâo bruă hlue ngă klei bhiăn, hdră êlan leh anăn dŭm klei kčah mtrŭn mơ̆ng hdră bhiăn hŏng phung êdam êra, bruă ngă mơ̆ng dŭm abôk bruă, êpul bruă djŏ tuôm kơ klei dưi leh anăn klei tŭ dưn djŏ hdră bhiăn phung êdam êra, bruă klam hlăm klei hriăm hră, mă bruă, mjuăt asei mlei, hgŭm mđĭ kyar bruă duh mkra- ala ƀuôn leh anăn răng mgang čar kwar.