Anôk bruă rŭ mkra anei êbeh 1.250 héc ta, leh ênŭm rŭ mdơ̆ng srăng bi mlih ƀuôn prŏng Cam Ranh. Anôk anei mâo êbeh 230 êbâo čô mnuih, hlăm 10 să, ƀuôn hgŭm hlăm kplang Cam Ranh, ƀuôn prŏng Cam Ranh. Dưi rŭ mdơ̆ng truh 8.500 boh sang bi kđip, hŏng êbeh 10.000 boh sang prŏng siam, giăm 20.000 boh sang dôk hlăm yang ƀuôn.

Hŏng ênoh bi liê jih jang êbeh 85.000 êklai prăk, ka tĭng ôh kơ ênoh čiu hnô, lehanăn klei đru kơ anôk mbĕ dôk hŏng mnuih ƀuôn sang. Bruă anei kčưm rŭ mkra mơ̆ng thŭn 2023 - 2027. Hŏng mta kñăm čiăng dưi mâo alŭ wăl ƀuôn prŏng siam djăp ênŭm hlăm jih jang dơ̆ng mơ̆ng anôk dôk, anôk bruă yang ƀuôn, sang hră mơar, sang êa drao gŭn lehanăn sang mnia, anôk mdei msăn, tač golf, war mnga. Leh jih ênŭm rŭ mdơ̆ng srăng mtrŭt mđĭ klei duh mkra mnia mblei ti alŭ wăl kplang Cam Ranh mđĭ kyar.