Blŭ hrăm ti anôk bi kƀĭn, Khua knŭk kna Phạm Minh Chính mñă, klei bi mguôp  Việt Nam - Lào jing sa klei bi mguôp yuôm bhăn êdi, kyuanăn, brei bi mâo sa klei bhiăn bi đru kjăp, mơ̆ng ai tiê, bi mâo bruă đua klam, lehanăn ƀruă čuăn hdơ̆ng găp. Hŏng hdră “đru kơ mah jiăng jing đru kơ pô, Khua knŭk kna iêo mthưr phung duh mkra mơ̆ng dua nah mâo klei bi mguôp, bi đru hdơ̆ng găp mđrăm mbĭt đĭ kyar.

Kơ kdrêč pô, Khua knŭk kna Lào Xỏn-xay Si-phăn-đon brei thâo wưng tinăp dua nah srăng lŏ dơ̆ng ruh mgaih dŭm klei dleh kpăk lehanăn pŏk êlan dơ̆ng, êlan êdeh treng, kdrŭn Vũng Áng, mđĭ kyar bruă mkăp boh mnga mnơ̆ng pla mjing. Khua knŭk kna Lào čang hmăng phung duh mkra dua ala čar lŏ dơ̆ng duh bi liê, ngă bruă duh mkra mnia mblei ti Lào lehanăn Việt Nam, dưn yua jih klei găl ai ktang pô kñăm ba wĭt klei tŭ dưn, jăk mơak kơ mnuih ƀuôn sang grăp ala čar./.