Hlăm mmông bi tuôm, Khua lăn čar Võ Văn Thưởng čih yap, bi mni hlăm wưng êgao, ƀuôn prŏng amâo mdei gĭr ktưn, mkŏ dŭm êpul bruă ala ƀuôn msir mgaih boh jhat mơ̆ng klei ruă tưp Covid-19; kơrŭ wĭt bruă mkra mjing mnia blei, msir dŭm klei dôk kƀah, mđing kơ ala ƀuôn, klei tŭ dưn kơ ala ƀuôn, kriê dlăng hơĭt klei hdĭp mda leh anăn mđĭ klei hdĭp ai tiê yang ƀuôn.

Hlăm klei đĭ kyar mơ̆ng ƀuôn prŏng leh anăn lăn čar mâo klei đru mguôp yuôm bhăn mơ̆ng phung dlăng bruă klei đăo, mnuih djuê ƀiă, phung thâo hră mơar, dŭm êpul êdah êdi mơ̆ng ƀuôn prŏng. Khua lăn čar mtă kơ ƀuôn prŏng ngă jăk hdră mtrŭn mơ̆ng Đảng, bruă kƀĭn ala, hlăm anăn mâo klei bhiăn mdê hjăn, ba ƀuôn prŏng đĭ kyar.