Khua lăn čar Võ Văn Thưởng mñă mnuih ƀuôn sang dua ala čar Việt Nam – Cuba mâo nanao klei thâo bi mguôp, bi đru êjai găn klei dleh dlan, klei lông dlăng. Khua lăn čar lač: Đảng, knŭk kna Việt Nam mơak kyua klei thâo bi mguôp boh nik hlăm klei bi hgŭm Việt Nam – Cuba mâo mđĭ kyar leh hlăm lu mta bruă.

Khua lăn čar čang hmăng mbĭt hŏng bruă mđĭ hĭn jih jang klei bi hgŭm, lŏ mâo klei bi mjĕ êrô kiêr hĭn bi tuôm gưl dlông, klei bi hgŭm bruă lĭng kahan. Êjai hlăm boh klei dlông rŏng lăn dôk găn lu klei rŭng răng, snăn klei bi mguôp bruă lĭng kahan dua ala čar jing yuôm bhăn snăk. Đảng, knŭk kna Việt Nam mjing nanao djăp klei găl čiăng kơ bruă lĭng kahan dua nah thâo bi đru lu hĭn, tui si klei dưi hlăm klei bi mguôp./.