Khua lăn čar êlâo dih Trương Tấn Sang nao ti năm bi hdơr 35 thŭn hrue 64 čô knuă druh, lĭng kahan djiê êngiă ti plao ksĭ Gạc Ma
Thứ ba, 10:23, 14/03/2023
VOV TAYNGUYEN
VOV TAYNGUYEN
VOV4.Êđê- Mlam mmăt 13/3, ti Alŭ wăl bi hdơr lĭng kahan djiê êngiă ti Gạc Ma ti să Cam Hải Đông, kdriêk Cam Lâm, čar Khánh Hòa, Khua lăn čar êlâo dih Trương Tấn Sang ti anôk bi hdơr 35 thŭn hrue 64 knuă druh, lĭng kahan djiê êngiă ti Gạc Ma, ti plao ksĭ Trường Sa.
Nao ti anôk bi hdơr, phung bi ala nao cuă sang kriê pioh, phưi mnga pui đung hlăm êa ksĭ, hrăm mbĭt lŏ bi hdơr 35 thŭn klei bi blah čang rang aguah 14/3/1988 ti Gạc Ma nao hlăm hƀuê ênuk djuê ana, jing leh sa klei kruak knăl amâo mâo dưi luič ram ôh hlăm ai tiê grăp čô mnuih Việt Nam. Ti anôk bi hdơr anăn, mâo lu phung bi ala nao čuh brui mngưi, mđup dưm kwang mnga ti knưng bi hdơr, alŭ wăl msat ngă dah bi hdơr kơ 64 čô kahan djiê êngiă ti Gạc Ma.
Hlăm bruă bi hdơr anei, Êpul mkŏ mjing bi mguôp leh hŏng bruă mđup brei mnơ̆ng kơ găp djuê phung djiê êngiă, mđup brei prăk hriăm hră mơar kơ hđeh hriăm hră, lehanăn mđup brei hla čhiăm gru kơ phung hiu trah mă kan./.
Viết bình luận