Hdră dưi mđung klă anăp hlăm dŭm mbah hla pŏk  mơ̆ng Bruă êdam êra gưl dlông, Êpul gơ̆ng bruă đội gưl dlôn, kdrăp dưn yua “Êdam êra Việt Nam ” leh anăn dưi mkŏ hŏng 14 anôk bi kƀĭn dŭm čar, ƀuôn prŏng jing Hà Giang, Hà Nội, Lào Cai, Ninh Bình, Hải Phòng, Quảng Ninh, Hà Tĩnh, Dak Lak, Lâm Đồng, Đồng Nai, Bình Dương, ƀuôn prŏng Hồ Chí Minh, Bến Tre, Kiên Giang. Bi ti anôk bi kƀĭn phŭn jing Bình Phước mâo 1.000 čô hđeh nao hlăm knăm anei.

Dưi mkŏ mjing mơ̆ng hruê 19/9 – 29/9 thŭn anei, Hdră Knăm mlan pur “Hrui pui kuič mngač klei hmăng hmưi” mâo leh anăn dôk mâo Êpul bruă Êdam êra, Êpul bruă đội dŭm gưl, dŭm anôk bruă mkŏ mjing hŏng lu mta bruă mdê mdê hŏng êbeh 5 êklăk hruh pui leh anăn hnư mnơ̆ng mđup brei kơ phung hđeh hlăm kluôm lăn čar. Anei jing hnư mnơ̆ng mlam mlan pur kơ phung hđeh mâo klei hdĭp dleh dlan. Blŭ hlăm mlam knăm, Khua lăn čar Võ Văn Thưởng mơĭt kơ phung hđeh hlăm lăn čar klei êmuh čuă leh anăn hmăng hmưi Êpul bruă Êdam êra cộng sản Hồ Chí Minh leh anăn dŭm anôk bruă, êpul êya leh anăn yang ƀuôn lŏ dơ̆ng hrăm mbĭt čiăng grăp thŭn phung hđeh dưi hlăp lêñ, kah mbha klei mơak mñai”.