Blŭ hrăm jao bruă klam, bi ala kơ Đảng, knŭk kna, khua lăn čar jing êjai hơêč hmưi kơ 15 čô anăn, đăo knang diñu srăng bi leh jăk bruă klam.

Khua lăn čar jing êjai mtă kơ phung bi ala gĭt gai dŭm anôk bruă bi ala mơ̆ng Việt Nam ti ala tač êngao bi lar knhuah gru leh anăn klei hriăm bruă hŏng tač êngao mơ̆ng dŭm gưl, dưn yua jăk bruă hŏng tač êngao hlăm ênuk Hồ Chí Minh, êdu êun, thâo mbruă ƀiădah ăt gĭr ktưn, ktang phĭt, hluê ngă jăk klei gĭt gai mơ̆ng Khua gĭt gai Đảng Nguyễn Phú Trọng hlăm klei kƀĭn prŏng kluôm ala hluê ngă hdră mtrŭn klei kƀĭn prŏng tal 13 mơ̆ng Đảng, mă yua klei găl, găn hgao djăp klei lông dlăng čiăng bi leh djăp bruă klam mơ̆ng Đảng, knŭk kna leh anăn mnuih ƀuôn sang jao leh.