Ti kdriêk Hàm Thuận Bắc, čar Bình Thuận, Êpul bruă hđeh êdam êra cộng sản Hồ Chí Minh gưl dlông mrâo mkŏ mjing knăm mtrŭt mjhar Mlan hđeh êdam êra thŭn 2023 hŏng akŏ “Phung mda asei nao êlâo hlăm bruă mlih mrô”.

Blŭ hlăm knăm anăn, Khua lăn čar jing êjai Võ Thị Ánh Xuân  lač, mlih mrô jing bruă klam dleh dlan, mâo lu klei lông dlăng, čiăng mâo klei gĭt gai, ktrâo lač mơ̆ng bruă đoàn gưl dlông, klei gĭr ktưn, mbruă mơ̆ng dŭm gưl bruă đoàn, klei nao hgŭm hur har, ba anăp nao êlâo mơ̆ng phung mda asei kluôm ala čiăng mkŏ mjing hdră bruă kluôm êlam, đru ba Việt Nam jing ala čar mrô, hơĭt kjăp leh anăn mdrŏng sah, nao êlâo lông yua dŭm kdrăp mrâo leh anăn klei bi hmô mrâo ti thŭn 2030. Leh anăn kčưm pŏk mâo dŭm mta bruă msĕ si: Nao čuă, mđup brei hnư mnơ̆ng kơ phung hđeh sang hră, hđeh êdam êra mâo klei hdĭp dleh dlan, phung amĭ Việt Nam jhŏng ktang, mđun brei dŭm bruă mkŏ mkra, bruă hđeh êam êra. Kluôm ênoh dŭm hnư mnơ̆ng, bruă mkŏ mkra mđup brei ti čar Bình Thuận mơ̆ng gưl dlông hlăm knăm kčưm pŏk mlan hđeh êdam êra jing giăm 15 êklai prăk.