Khua lăn čar jing êjai Võ Thị Ánh Xuân tŭ drông pô bi ala Brazil
Thứ ba, 10:40, 07/02/2023
VOV TAYNGUYEN
VOV TAYNGUYEN
VOV4.Êđê- Tlam mbruê 7/2, Khua lăn čar jing êjai Võ Thị Ánh Xuân tŭ drông leh pô bi ala mơ̆ng Brazil Fernando Apparício da Silva ti bi tuôm êlâo kơ mjưh ruê̆ wưng păn bruă ti Việt Nam.
Khua lăn čar jing êjai Võ Thị Ánh Xuân hơêč hmưi kơ Fernando Apparício da Silva dưi bi leh bruă klam ti Việt Nam hŏng bruă păn jing pô bi ala mâo ênŭm klei dưi mơ̆ng ala čar mlir ƀang Brazil ti Việt Nam. Yap yuôm bhăn klei đru mguôp mơ̆ng pô bi ala hlăm bruă bi kjăp, mđĭ kyar klei mjĕ giăm kluôm ênŭm Việt Nam – Brazil ƀrư̆ hruê ƀrư̆ klă klơ̆ng leh anăn tŭ dưn.
Boh nik, bi trông kơ klei mnia mblei 2 tĭng dưi rơ̆ng klei đĭ hlăm grăp thŭn, Bazil lŏ dơ̆ng jing ƀĭng hgŭm mnia mblei prŏng hĭn mơ̆ng Việt Nam ti alŭ wăl Milatino hŏng hnơ̆ng mnia mblei thŭn 2022 jing 6,78 êklai USD. Mbĭt hŏng anăn, bi mguôp hlăm dŭm mta bruă msĕ si bruă lŏ hma, hiu čhưn ênguê, dhar kreh, mjĕ êrô mnuih ƀuôn sang ăt lŏ dơ̆ng mtrŭt mđĭ, mđĭ kyar.
Viết bình luận