Khua lăn čar kčưm gưl nao hgŭm hŏng tač êngao kơ “Ktuê knhal lehanăn êlan” tal 3 ti China
Thứ tư, 08:27, 18/10/2023
VOV Tây Nguyên
VOV Tây Nguyên
VOV4.Êđê- Hrue mbrue, Khua lăn čar Võ Văn Thưởng lehanăn êpul khua prŏng Việt Nam truh leh ti Bắc Kinh, ala čar China nao ti anôk bi kƀĭn hŏng tač êngao kơ “ktuê knhal lehanăn êlan” mơ̆ng China tal 3 mkŏ mjing mơ̆ng hrue 17 – 20/10.
Tui si hdră Khua lăn čar nao ti anôk pŏk klei bi kƀĭn tal anei mâo Khua gĭt gai Tập Cận Bình kiă kriê, tinăn mâo klei blŭ ti anôk bi kƀĭn gưl dlông: Kơ klei duh mkra mrô boh kdrŭt mrâo kơ klei đĭ kyar lehanăn srăng mâo lu klei bi tuôm dua nah hŏng phung khua kiă kriê dŭm ala čar, dŭm êpul bruă ala tač êngao ti anôk bi kƀĭn tal anei.
Khua lăn čar Võ Văn Thưởng ăt srăng mâo lu mơh klei bi tuôm hŏng phung khua kiă kriê China, nao čuă dŭm anôk bi hmô kơ bruă mkŏ mkra krĭng ƀuôn sang mrâo ti ƀuôn prŏng Bắc Kinh, bi tuôm hŏng phung khua kiă kriê dŭm êpul grŭp ti China. Bi tuôm hŏng phung knuă druh mnuih ngă bruă mơ̆ng anôk bruă bi ala knŭk kna Việt Nam ti China./.
Viết bình luận