Anei jing sa hdră yuôm êdi hlăm Klei bi kƀĭn phung bi ala amuôn Awa Hô jăk ênang kluôm ala tal X kñăm bi mni kơ dŭm boh tŭ dưn mơ̆ng phung amuôn Awa Hô êdah êdi wưng thŭn 2020 - 2025 hlăm bruă hluê ngă hdră “Phung hđeh êlăk Việt Nam bi ktưn hluê ngă 5 klei Awa Hô mtă”.

Blŭ hrăm ti knăm anei, Khua lăn čar Lương Cường bi mni kơ dŭm boh tŭ dưn mơ̆ng 500 gru mngač amuôn Awa Hô êdah êdi mbĭt hŏng kluôm êpul đội viên, phung hđeh êlăk kluôm ala dưi mâo hlăm wưng êgao. Khua lăn čar brei thâo, ênuk dôk hdĭp, Awa Hô khăp êdi kơ phung hđeh êlăk Việt Nam. Khua lăn čar đăo knang phung hđeh êlăk kluôm ala srăng lŏ dơ̆ng gĭr ktưn lu hĭn; bi hgŭm mguôp đru krơ̆ng kjăp lehanăn bi msiam hĭn dŭm boh tŭ yuôm knhuah gru jăk siam mơ̆ng djuê ana Việt Nam jhŏng ktang./.