Khua lăn čar bi mklă phung aê mdrao jing phung bŏ hŏng klei khăp, amâo djŏ knŏng mâo ai tiê bŏ hŏng klei khăp ôh ƀiădah lŏ mâo klei mĭn, klei gĭr hŏng klei dleh dlan, bi leh jăk bruă klam, đru yuôm bhăn hlăm klei mtlaih êngiê djuê ana, hluh lir ala čar êlâo dih, ăt msĕ mơh hlăm bruă mkŏ mjing leh anăn răng mgang kjăp ala čar Việt Nam khăp hơiêng hruê anei.

Ñu mtă kơ dŭm gưl, dhar bruă, boh nik bruă mdrao mgŭn brei lŏ dơ̆ng kƀĭn mđĭ kyar bruă mdrao mgŭn jih jang mnuih ƀuôn sang, rơ̆ng grăp čô mnuih, wăt tơdah ti ƀuôn prŏng, krĭng ƀuôn sang, amâodah krĭng taih kbưi, knông lăn, plao ksĭ dưi dưn sơăi bruă mdrao mgŭn. Brei anôk bruă mdrao mgŭn dưi mkra mđĭ, bi liê kdrăp mnơ̆ng mrâo mrang leh anăn mđĭ hnơ̆ng thâo phung mă bruă čiăng jing anôk phŭn hlăm bruă  kriê dlăng klei suaih pral jih jang mnuih ƀuôn sang ti alŭ wăl.