Hưn mthâo ti knăm anei, bi ala dŭm êpul group, anôk bruă mrô sa mơ̆ng Chile tĭng dlăng myuôm êdi klei găl mđĭ kyar mơ̆ng Việt Nam; čang hmăng anôk bruă duh mkra dua ala čar ba yua jih klei găl mơ̆ng klei kuôl kă bruă mnia mblei mâo dua ala čar jing ƀĭng hgŭm.

Blŭ ti knăm anei, Khua lăn čar Lương Cường lač klă, hlăm wưng êgao, khădah hdră duh mkra tar rŏng lăn mâo lu klei bi mlih, dleh dưi ksiêm dlăng. Hlăk êjai anăn, klei bi mjĕ hgŭm bruă Việt Nam – Chile ăt đĭ kyar jăk siam. Khua lăn čar mñă klă, Việt Nam mđing, hrăm mbĭt hŏng êpul êya anôk bruă duh mkra hlăm lehanăn êngao ala čar, mpŭ, răng mgang klei dưi, klei tŭ dưn djŏ hdră bhiăn mơ̆ng phung duh bi liê, rơ̆ng klei tŭ dưn plah wah Knŭk kna, phung duh bi liê lehanăn mnuih ƀuôn sang, ƀuăn mjing wăl anôk mnia mblei – duh bi liê jăk găl kơ anôk bruă duh mkra ala tač êngao, hlăm anăn mâo Chile./.