Leh knăm tŭ drông, Khua lăn čar Lương Cường mbĭt hŏng Khua mil čhil Gabriel Boric Font ba ănp êpul bi ala gưl dlông dua ala čar ngă klei blŭ hrăm kñăm bi trông kơ dŭm hdră êlan bi êlam, bi tŭ dưn hĭn klei mjĕ giăm, bi hgŭm kluôm dhuôm dua ala čar. Dua tĭng mâo klei bi klă mbĭt čiăng mtrŭn agha êlam hĭn klei bi mguôp kluôm dhuôm Việt Nam – Chile.

Dua tĭng ăt bi siñê đa đa hră mơar bi mguôp hlăm bruă mnia mblei, bruă lŏ hma, bruă lĭng kahan, bi mguôp alŭ wăl leh anăn đa đa bruă mkăn čiăng mkŏ mjing klei găl mđĭ kyar ktang hĭn klei bi hgŭm dua ala čar, mbĭt anăn tŭ ư lŏ dơ̆ng mtrŭt mđĭ pŏk mlar klei bi mguôp leh anăn bi trông hlăm dŭm mta bruă msĕ si răng mgang wăl hdĭp mda, bi mdrơ̆ng hŏng klei bi mlih yan adiê, đĭ kyar mtah, hơĭt kjăp, mkra mjing boh mnga, mnơ̆ng gŭ lăn, mlih mrâo hŏng klei mbruă.