Anei jing sa klei hưn mâo boh tŭ dưn yuôm bhăn hlăm wưng tar rŏng lăn tlă anăp hŏng klei lông dlăng msĕ si klei bi blah, amâo mâo mtăp mđơr, klei bi mlih yan adiê leh anăn toh hroh knuih hdĭp hlăm yang ƀuôn.

Khua lăn čar mñă ktang, Việt Nam jing sa ala čar mâo klei đăo yơng, nao mbĭt hŏng hƀuê ênuk mkŏ mjing leh anăn răng mgang lăn čar. Găn lu thŭn mlan hƀuê ênuk, klei đăo yơng Việt Nam bi myuôm ai tiê răng mgang lăn čar, bi hơĭt mnuih ƀuôn sang, hrăm mbĭt hŏng djuê ana.

Dŭm boh tŭ dưn msĕ si klei khăp kơ lăn čar, klei thâo pap, klei mĭn jăk mơ̆ng đăo Yơng mâo leh hlăm ai tiê mnuih Việt Nam leh anăn đru ksul mbŭ knhuah dhar kreh djuê ana Việt Nam. nao hgŭm hlăm knăm, Khua mil čhil Sri Lanka mñă ktang kơ klei mjĕ giăm bi mguôp hŏng Việt Nam mơ̆ng lu thŭn hŏng anei. Ară anei, klei mjĕ giăm anăn dưi bi kjăp ktang hĭn. Bi ala khua gĭt gai lu ala čar msĕ si China, India, Campuchia…leh anăn khua kiă kriê Êpul hgŭm lu ala čar mâo hră mơĭt kơ Vesak 2025.