Khua lăn čar mñă klă, mnuih ƀuôn sang Việt Nam hdơr nanao leh anăn mpŭ kơ klei khăp, klei sa ai, klei đru yuôm bhăn mơ̆ng mnuih ƀuôn sang Azerbaijan brei leh kơ Việt Nam hlăm dŭm thŭn êgao. Khua lăn čar bi mni kơ Anôk bruă phat mkra gưl dlông Việt Nam leh anăn Anôk bruă phat mkra gưl dlông Azerbaijan bi klă hră bi hdơr ƀri wưng hriê čhưn tal anei, hluê anăn mđĭ hĭn boh tŭ dưn klei ksiêm dlăng, bi kdơ̆ng hŏng phung ngă soh, răng mgang kjăp hĭn klei dưi êngiê mnuih ƀuôn sang, răng mgang boh tŭ dưn êpul êya, rơ̆ng kơ klei êđăp ênang kơ klei mđĭ kyar bruă duh mkra ala ƀuôn grăp lăn čar.

Khua lăn čar mñă kơ Anôk bruă phat mkra gưl dlông dua ala čar bi mguôp kjăp hlăm bruă gang mkhư̆ phung ngă soh, boh nik jing phung ngă soh hluh knông lăn, phung ngă soh kdrăp mrâo mrang leh anăn bi mguôp hlăm bruă răng mgang boh tŭ dưn hlăm klei dưi mơ̆ng dua tĭng.