Khua lăn čar bi mklă Việt Nam dlăng nanao ASEAN jing klei mđing phŭn hlăm hdră êlan hŏng tač êngao leh anăn gĭr ktưn jih ai tiê pô hŏng dŭm ala čar ASEAN mkŏ mjing êpul êya ASEAN bi hgŭm, kjăp, mâo bruă klam, kơhưm ƀrư̆ hruê ƀrư̆ lu dlông rŏng lăn.

Khua lăn čar ăt bi mklă Việt Nam sa ai hŏng Malaysia rơ̆ng tŭ jing bruă klam ngă Khua gĭt gai ASEAN thŭn 2025 leh anăn hơêč hmưi kơ Malaysia lŏ dơ̆ng atăt gai ASEAN mâo boh tŭ prŏng hĭn, mđing kơ sa ASEAN “Hơĭt kjăp leh anăn Kluôm” hlue si akŏ ASEAN. Khua lăn čar mñă klă, hlăm boh klei rŭng răng, dleh ktuê dlăng ti lu anôk, dŭm ala čar hlăm ASEAN brei lŏ dơ̆ng hrăm mbĭt mđĭ lar klei êđăp ênang kơ bruă mđĭ kyar; mđĭ klei bi hgŭm kjăp hĭn plah wah dŭm ala čar.\