Bi ala Đảng, Knŭk kna Việt Nam, Khua lăn čar Lương Cường lač jăk kơ Mtao Norodom Sihamoni, Khua kiă kriê CPP, Khua Thượng viện Hun Sen mbĭt hŏng phung khua kiă kriê gưl dlông Campuchia mơĭt leh asăp bi juh klei ênguôt hnĭng lehanăn tiŏ nao êpul nao leh knăm čang ênuh, bi êdah klei khăp lehanăn klei hgŭm mguôp mơ̆ng dua ala čar.

Dua tĭng tŭ ư lŏ pŏk ngă dŭm bruă dưi mâo ti anôk bi kƀĭn gưl dlông giăm anei, boh nik klei bi tuôm mơ̆ng Khua gĭt gai Đảng Việt Nam – Campuchia – Lào mlan  2/2025. Dua tĭng ăt mñă klei yuôm mơ̆ng klei bi mjĕ hgŭm bruă mơ̆ng đưm, klei bi mguôp, săn asei, boh nik hlăk krĭng lehanăn tar rŏng lăn dôk mâo lu klei amâo hơĭt./.