Khua lăn čar Lương Cường mñă, gưl hiu čhưn mơ̆ng Khua phŭn bruă Robert Dussey lehanăn êpul bi ala Togo mâo bruă klam yuôm bhăn, mtrŭt mđĭ hĭn klei bi mjĕ lehanăn hgŭm bruă hlăm djăp mta ra klei, boh nik hlăk Việt Nam lehanăn Togo dôk mđing truh knăm bi hdơr 50 thŭn hruê mkŏ mjing Klei bi mjĕ (08/02/1975 - 08/02/2025).

Kơ hdră bi hgŭm bruă lŏ hma, hŏng klei thâo pŏk ngă lu hdră bi hgŭm bruă lŏ hma tlâo tĭng ba wĭt leh klei tŭ jing ti krĭng Afrĭk, hlăm anăn mâo Togo lehanăn hŏng bruă klam jing sa ala čar ba čhĭ mnơ̆ng lŏ hma mrô sa tar rŏng lăn, Khua lăn čar brei thâo, Việt Nam mprăp bi hgŭm pŏk ngă dŭm hdră bi hgŭm kah mbha klei thâo, mlih jao kdrăp mrâo, mkăp phung thơ̆ng kơ bruă hlăm hdră lŏ hma./.