Khua lăn čar Lương Cường bi mni kơ klei bi trông plah wah Khua phŭn bruă lĭng kahan Việt nam, Kơiăng Khua dlăng bruă Đảng gưl dlông Phan Văn Giang leh anăn Kơiăng Khua dlăng bruă Đảng kahan gưl dlông China Trương Hựu Hiệp, hơ̆k mơak ƀuh klei bi hgŭm bruă lĭng kahan dua nah lŏ dơ̆ng đĭ kyar mrâo, tŭ dưn, djŏ guôp hŏng hră mơar siñê leh anăn kuôl kă leh plah wah Khua gĭt gai prŏng hĭn dua Đảng, dua ala čar.

Khua lăn čar mtă hlăm wưng kơ anăp, Bruă Đảng kahan gưl dlông, Phŭn bruă lĭng kahan dua ala čar lŏ dơ̆ng mđĭ, bi êlam hĭn klei bi hgŭm bruă lĭng kahan dua ala čar mơ̆ng klei bi trông êpul gưl dlông; mđĭ lar boh tŭ klei bhiăn bi hgŭm ară anei mâo leh. Lač klă thŭn 2025 jing thŭn Việt Nam bi hdơr 80 thŭn mkŏ mjing ala čar leh anăn 70 thŭn mkŏ mjing klei bi hgŭm Việt Nam - China, Trượng Hựu Hiệp bi mklă dua tĭng kjăp hŏng êlan mơ̆ng Khua gĭt gai gưl dlông dua Đảng, dua ala čar bi mklă leh, mbĭt anăn mđĭ klei bi hgŭm hlăm dŭm mbruă, kñăm mkŏ mjing êpul êya kah mbha êdei anăp mâo hdră bruă yuôm bhăn.